مركز الصفوة الثقافي
عزيزي الزائر / عزيزتي الزائرة يرجى التكرم بتسجبل الدخول اذا كنت عضو معنا
او التسجيل ان لم تكن عضو وترغب في الانضمام الي اسرة المنتدى
سنتشرف بتسجيلك
شكرا
ادارة المنتدى(الجنرال)



 
الرئيسيةالبوابةالتسجيلدخول

شاطر | 
 

 الركن الهادي .. مذكرات الاعضاء

استعرض الموضوع السابق استعرض الموضوع التالي اذهب الى الأسفل 
انتقل الى الصفحة : 1, 2  الصفحة التالية
كاتب الموضوعرسالة
أنغام الشوق

avatar

عدد المساهمات : 102
تاريخ التسجيل : 09/07/2009
العمر : 25

مُساهمةموضوع: الركن الهادي .. مذكرات الاعضاء   الأحد مارس 28, 2010 2:41 am

بسم الله الرحمن الرحيم

تمــر الايَـام و الساعــاتــ .. تنقضِي الدقائق ..

الواحــده تلو الاخرهـ ..!

و بعــد زمنــ نصحــو .. لـ نفكر ..!!

[.. م،ــدخل ..]

من أنـــــــــا !!!
كيف كـات حيــات و ايــامي..!!

اين ذكرياتي ,,, و اوراقي ....

كيف كانت تلك المرحله ,,, و هل عانيت فيها الكثير ,,,,

من هنا كانت الفكرة لهذه الصفحه

نتتطور في كل يوم و نسجل هذا التطور هنا


نشاركه بعضنا ذكرياته و افراحه

الفكرة : ورقه رقميه تخزن فيها ذكريات
الهدف : حتى لا تضيع ايامنا الحاضرة

و الان


أفتح صفحة من الأجنده أكتب على أطرافها ،،

اسمك / لقبك :
اليوم :
التاريخ :
التوقيت :
ماذا تسمع الآن :
ماذا تشرب الآن :
ماذا تأكل الآن :
البلد :
أين تتواجد ( المنزل ، الجامعه ...) ؟
نفسيتك الآن ( حزين ، سعيد ... ) ؟


ذكريات هذا اليوم :
أغلق المفكره الآن وأصنع منها صفحات أجنده لا تُنّسى ,,


في كل يوم خزن ذكرياتك معنا

لاتكتفي برد واحد ..دون ذكريات كل يوم هنا واجمل لحضاتكـ


[.. مخرج ..]

الوقت كالسيف اذ لم تقطعه قطعك,,,,

فاستثمره في طاعه الله ,,,
الرجوع الى أعلى الصفحة اذهب الى الأسفل
أنغام الشوق

avatar

عدد المساهمات : 102
تاريخ التسجيل : 09/07/2009
العمر : 25

مُساهمةموضوع: رد: الركن الهادي .. مذكرات الاعضاء   الأحد مارس 28, 2010 2:47 am

رح أبدأ أنا....
بتمنى يكون في تفاعل ..
يعني كل ما تدخلو المنتدى تفضلوا على هاد الموضوع ...
فاتح أبوابه 24 ساعة للضيوف الكرام




وهي أول مشاركة بالموضوع ...



اسمك / لقبك : أنغـ الشوق ــام
اليوم : السبت
التاريخ : 27/3/2010
التوقيت :10:45
ماذا تسمع الآن : حالياً هدوووء
ماذا تشرب الآن : ولا اشي
ماذا تأكل الآن : شوكولاتة
البلد : الأردن
أين تتواجد ( المنزل ، الجامعه ...) ؟ أكييييد بالبيت
نفسيتك الآن ( حزين ، سعيد ... ) ؟ الحمد لله على كل حال ..ماشي حالي...
الرجوع الى أعلى الصفحة اذهب الى الأسفل
m.sarrawi92

avatar

عدد المساهمات : 329
تاريخ التسجيل : 10/10/2009
العمر : 25

مُساهمةموضوع: رد: الركن الهادي .. مذكرات الاعضاء   الأحد مارس 28, 2010 2:58 am

وانا الثاني لانو عنجد موضوع راح يظل دكره انشاء الله

اسمك / لقبك : m.sarrawi92
اليوم : السبت
التاريخ : 27/3/2010
التوقيت :9:52
ماذا تسمع الآن : Sunny Day_Akon
ماذا تشرب الآن : عصير
ماذا تأكل الآن : بسبوسه
البلد : الأردن
أين تتواجد ( المنزل ، الجامعه ...) ؟ في البيت
نفسيتك الآن ( حزين ، سعيد ... ) ؟ من الله بخير ومن الوزاره لا


يسلموووووووووووووا على الموضوع الرائع
الرجوع الى أعلى الصفحة اذهب الى الأسفل
أسيرة الأحزان

avatar

عدد المساهمات : 1030
تاريخ التسجيل : 14/02/2009
العمر : 45
الموقع : www.elite.msnyou.com

مُساهمةموضوع: رد: الركن الهادي .. مذكرات الاعضاء   الأحد مارس 28, 2010 3:08 am









الله فكره اكتير حلوه ... تعرفي انا راح اخلي الجنرال يثبتلنا اياه كموضوع ثابت


وهي مشاركتي لليوم


اسمك / لقبك : بثينه الجخلب ( مس بثينه )
اليوم : السبت
التاريخ : 27/3/2010
التوقيت :10:00
ماذا تسمع الآن : بسمع اغنيه راح انزللكم اياها بكره( الدنيا ربيع والجو بديع افلي ع كل الموضيع )
ماذا تشرب الآن : شاااااااي
ماذا تأكل الآن : ولا شي
البلد : الأردن
أين تتواجد ( المنزل ، الجامعه ...) ؟ بالبيت
نفسيتك الآن ( حزين ، سعيد ... ) ؟ بحاااول بكل جهدي اكون باحسن حال ... وربي يقدرني ع هيك




تسلمي يا عسوله المنتدا






















الرجوع الى أعلى الصفحة اذهب الى الأسفل
أسيرة الأحزان

avatar

عدد المساهمات : 1030
تاريخ التسجيل : 14/02/2009
العمر : 45
الموقع : www.elite.msnyou.com

مُساهمةموضوع: رد: الركن الهادي .. مذكرات الاعضاء   الإثنين مارس 29, 2010 3:08 am





اليوم الاحد
التاريخ : 28/3/2010
الساعه : العاشره مساءاً

اليوم كان يوم الفشل العالمي فشلت بكل اشي سويته اليوم
اول شي كنت ناويه اروح شركه الاتصالات وافصل النت عن المركز بس فاتن اقنعتني اني اخليه وما فصلته

بعدين كنت بدي اجهز شهادات لدوره الطباعه للبنات اللي خلصوا الدوره وطبعا الوزاره منزله نمازج جديده للكتب كنت انا جبتهم واعدت عشر ساعات ادور عليهم جوا الكمبيوتر تعرفوا انا اليوم اكتشفت انو كمبيوتري بدو ترتيب للملفات اللي فيه
الظاهر علشان فرمته مرتين ورا بعض وكنت اعمل نسخ عن كل اللي فيه اليوم دخت جواه كنت الاقي من الملف الواحد نسخه او نسختين علشان هيك قررت بكره اتفضى بس لترتيب الملفات فيه وحذف كل الاشياء المكرره

المهم بعد ما جهزت كتب النهايه وجهزت الشهادات تذكر ت انو الاستاذ على لازم يوقع عليهم لانو الاستاذ المسؤول عن القسم المهم طلع كل تعبي ع الفاضي واتأجل المشور تبع التربيه لبعد بكره
وكمان رحت ادخل حساباتي حكيت يله خليني اعمل اشي تاني بس دخلت النص وما كملت لاني التهيت مع الطلاب
وفشلت باني اخلصهم واضطريت امسح كل اللي كنت عامله علشان ما تتخربط الدنيا معي وراح ابدا فيهم بكره من اول وجديد

واهم اشي اني فشلت اني اتقدم بمدينه النسيان .. وبالعكس بدل ما اتقدم فيها خطوه رجعت عشر خطوات لورا

وكل ما احس اني صرت قويه ونسيت برجع احس مره تانيه اني اضعف مخلوقه ع وجهه الارض
وبرجع اسأل متى متى يا ربي راح ارجع زي ما كنت الانسانه اللي ما في بالها هم ... متى راح انسى ويرجع قلبي ينبض من جديد ...متى .....؟؟؟؟؟؟؟؟؟؟






















الرجوع الى أعلى الصفحة اذهب الى الأسفل
ام منة



عدد المساهمات : 200
تاريخ التسجيل : 14/07/2009
العمر : 44
الموقع : www.Elite.msnyou.com

مُساهمةموضوع: رد: الركن الهادي .. مذكرات الاعضاء   الإثنين مارس 29, 2010 3:26 am


اليوم : الأحد
التاريخ : 28/3/2010
الساعة : العاشرة والربع مساءا
أنا عكسك بسبوسه تماما اليوم عملت كل شغلي وحتى في شغلات ما كنت ناويه اشتغلها وربنا ألهمني أعملها الحمد لله
وقبل شوي كنت زهقانه منونه درستها ونامت واهلي مسافرين وكنت لحالي قاعده وبلشت أزهقت
قمت ناطه من مكاني وركضت جبت مريومه بنت اخوي وصرت العب انا واياها
والله مريومه زي العسل وسمعت انا واياها هاي الاغنيه اسمعيها وانت تروقي على طول





وهاي كمان صورة مريوم



هلا بسبوسه اسمعي الاغنية وشوفي مريوم وانسي الدنيا وما عليها
تصبحي على خير
بااااااااااي





الرجوع الى أعلى الصفحة اذهب الى الأسفل
الجنرال
المدير العام
المدير العام


عدد المساهمات : 591
تاريخ التسجيل : 06/02/2009
العمر : 28

مُساهمةموضوع: رد: الركن الهادي .. مذكرات الاعضاء   الإثنين مارس 29, 2010 5:12 am

مرحبتين وضمتين نعنع لكل الموجودين
بعد انقطاع كثير عن منتدانا الغالي علينا
هاي ثاني مشاركة الي

اسمك / لقبك : محمود الدرابيع ( الجنرال )
اليوم : الأحد
التاريخ : 28/3/2010
التوقيت :10:57 مساءاً
ماذا تسمع الآن : يسمحولي الكل ( أصالة )
ماذا تشرب الآن : نسكافيه + سيجارة وينستون من الاخر
ماذا تأكل الآن : ولا شي
البلد : الأردن
أين تتواجد ( المنزل ، الجامعه ...) ؟ بالدوام
نفسيتك الآن ( حزين ، سعيد ... ) ؟ في قمة الإنبساط .. ولو انو مش عارف ليش بس هيك مبسوط


والموضوع فكرتو كثير رائعة ... يا انغام وين باقي مخبيه هالمواهب
اعطينا من هذول بكثرة
تحياتي الك ولموضوعك الاكثر من رائع
الرجوع الى أعلى الصفحة اذهب الى الأسفل
الجنرال
المدير العام
المدير العام


عدد المساهمات : 591
تاريخ التسجيل : 06/02/2009
العمر : 28

مُساهمةموضوع: رد: الركن الهادي .. مذكرات الاعضاء   الإثنين مارس 29, 2010 5:29 am

وبالنسبة لكيف كان يومي
يومي كالتالي .. صبحت من الساعة 4:30 الفجر قلبي ناقزني مش عارف شو في
ضليت هيك لبين ما اذن الفجر وصليت بالجامع
بعد الصلاة رحت عند سمير بياع الكعك وضليت عندو للساعة 7:30
روحت عالبيت والبست وطلعت عالدوام ... ويسعد الله ما احلاه من يوم مبين من اولو
عملت مشكلة بالمجمع انا وكنترول بدو يطلعني عالواقف من الزرقا لمجمع المحطة مشان وحدة
بس الصراحة البنت بتجنن معاه حق الزلمة
المهم كيف اسكت عن حق
نزلت واستنيت باص تاني وركبت فيه
المهم وصلت الدوام متأخر ربع ساعة
طبعاً كالعادة بهدلة عالريق من السوبرفايزور .. عادي متعودين
وهينا استلمنا شغل وبلشنا نشتغل للساعة 12
وقد حان وقت البريك ( الإستراحة ) نصف ساعة تفعل فيها ما تشاء
طبعاً حطيت راسي ونمت فيها لأنو شايف الديك ثلاجة من النعس
صحوني الشباب بعد البريك وضليت احرث للساعة 4
روحت عالبيت ونمت بدون هز ... وقبل ساعة صحيت وتغديت وطلعت على الشفت الثاني من الدوام
وهيني والحمد لله حاس براحة نفسية لأنو اسوء يوم بالأسبوع مرق والحمد لله على خير
وبكرا بروح من الدوام بدري انشالله
وبمر على بثينة وكالعادة بضل مزهقها حياتها للساعة 5 وبروح
وهكذا طوال الأسبوع
روتين قاتل .. والله المستعان على ما اقول .. اقول قولي هذا واستغفرو لي ولكم .. واقموا الصلاة
الرجوع الى أعلى الصفحة اذهب الى الأسفل
MORAD AL-TORMAN



عدد المساهمات : 46
تاريخ التسجيل : 08/02/2010
العمر : 25

مُساهمةموضوع: رد: الركن الهادي .. مذكرات الاعضاء   الإثنين مارس 29, 2010 11:41 pm


اسمك / لقبك : مراد الطرمان " البرنس الطرماني "
اليوم : الاثنين
التاريخ : 29/3/2010
التوقيت :6:32 مساااااااااااااءا
ماذا تسمع الآن : ولا شي
ماذا تشرب الآن : كمان ولا سي
ماذا تأكل الآن : كمان ولا شي هههههه
البلد : الأردن
أين تتواجد ( المنزل ، الجامعه ...) ؟ بالبيت
نفسيتك الآن ( حزين ، سعيد ... ) ؟ نوعا ما مبسووووووووووووووط


أما بالنسبة لمذكراتي :

اليوم صبحت صليت الفجر رجعت من الصلاة قعدت
وبلشت أدرس حاسوب ع أساس انو عندي امتحان بأول وحدتين
وطبعا عتبكو ع اللي كان فاتح كتاب ههههه
والله ورحنا ع المدرسة وربكم يسرها في الامتحان وزبطنا شوي
كيف لا تسألوني زي ما بحكو :
" لكل شيخ طريقتو " قال وافهمي يا بنت الجيران ههههههههههههه
ههههههههههههههه
رجعت من المدرسة ونمت للساعة 4 وقمت أدرس أحياء
عنجد انها مادة من الأخر
بس ان شا الله تكون علامتها كمان من الآخر
وهيني هسا قاعد ع المنتدى وع الفيس بوك ويعني
ع كشكول من المنتديات
بستنى اذان المغرب وبعدين بقول يا دااااااااااااايم


مشكووووووووووووورة أنغام الشوق موضوع
قمة في الجمال والابداع
تسلم ايدك






















الرجوع الى أعلى الصفحة اذهب الى الأسفل
أنغام الشوق

avatar

عدد المساهمات : 102
تاريخ التسجيل : 09/07/2009
العمر : 25

مُساهمةموضوع: رد: الركن الهادي .. مذكرات الاعضاء   الثلاثاء مارس 30, 2010 2:30 am



أهليييييين فيكم ... نورتوا الموضوع بتواجدكمـ

مستر صراوي ... مس بثينة ...أم منة ... الجنرال ... مراد طرمان ..

مشاركاتكم حلوة .... وان شالله مذكراتكم الجاي تكون أحلا ...



بس خلينا على تواصل ، ونشوف كمان تفاعل ..


*****************


اسمك / لقبك : أنغـ الشوق ــام

اليوم : الإثنين
التاريخ : 29/3/2010
التوقيت : 9:30
ماذا تسمع الآن : اشياءات كتيرة ...
ماذا تشرب الآن : شااااي زاكي
ماذا تأكل الآن : ولا اشي
البلد : الأردن
أين تتواجد ( المنزل ، الجامعه ...) ؟ أكييييد بالبيت
نفسيتك الآن ( حزين ، سعيد ... ) ؟ شبه منيحة...الحمد لله ...بس والله الحموض والقواعد من الآخر



*********


ما حد يسألني مذكراتي اليوم .....بكفيني أحكي أنه كان يوم رهيييييييييييييب ...


الرجوع الى أعلى الصفحة اذهب الى الأسفل
أسيرة الأحزان

avatar

عدد المساهمات : 1030
تاريخ التسجيل : 14/02/2009
العمر : 45
الموقع : www.elite.msnyou.com

مُساهمةموضوع: رد: الركن الهادي .. مذكرات الاعضاء   الثلاثاء مارس 30, 2010 2:33 am







اليوم كان عظيم .. عظيم عظيم

انجزت كل شغلي

عملت الحسابات وجهزت امور التربيه
وكمان رتبت جهازي اخد معي طول النهار لاني لقيت فيه اشياء اااااااااااكتير كنت ناسياها

قصائد واشعار وكتابات وظليت اقرا فيها طول النهار

اليوم كان يوم الزيارات

الصبح طبعا استفتحت بالجنرال لقيته بستناني ع باب المركز

بعدين اجا عندي محمد عبد الوهاب وهو من طلاب السنه الماضيه وكان عيد ميلاده اليوم

وبدل ما انا اتصل عليه هو اجا عندي والله فيه الخير كل عاااااااام وانتاااااا بخير يا محمد

وبعدين اجا عندي استاذ موسى وكان جايبلي حبتين شكولاته من الغالي جلاكسي وباونتي اممممممممممممممممم
شو بحب الشكولاته

واجا صاحب العماره طبعا علشان يوخد الايجار وكالعاده ما بطل شكاوي افلان والولاد والبنات وعملوا وسوا

وانا احكيلوا ع راسي عمي ابو سامح .. ولا يهمك عمي ابو سامح ... بنبهه ع طلابي عمي ابو سامح

لما سامح زهق من قد ما حكيت اسمه

بعدين اخر النهار اجا زارني مديري السابق اللي كنت اشتغل عندوا ابل ما اجي الصفوه فيه الخير

الي تاركاه خمس سنين ولسه كل فتره بيجي يزورني وجبلي معاه عصير وكتكات الله شوب بحب الكتكات بحب اكلها هيك بهدووووووووء هههههههههههه

يعني بشكل عام كان اليوم عادي وماشي حاله

وطبعا جبت اوراق التربيه معي علشان اطلع عليهم من الصبح ابل الدوام وان شالله ربي ييسر امري

انا اذا لقيت ايفلين هنا بتمشي كل اموري هي بتدعمني اكتير بس ما يكون موظف مجاز او مدير بجتماع

يااااااااااااااااااااااارب


















الرجوع الى أعلى الصفحة اذهب الى الأسفل
m.sarrawi92

avatar

عدد المساهمات : 329
تاريخ التسجيل : 10/10/2009
العمر : 25

مُساهمةموضوع: رد: الركن الهادي .. مذكرات الاعضاء   الثلاثاء مارس 30, 2010 8:37 am

اسمك / لقبك :اسمي محمد الصراوي
اليوم : الثلاثاء
التاريخ : 30/3/2010
التوقيت : 3:00ليلا
ماذا تسمع الآن : بسمع اصوات كتيره حولي بنص هالليل ...
ماذا تشرب الآن :مر الكأس بالهدراسه
ماذا تأكل الآن : مأكل خازوق مو عارف ادرس
البلد : الأردن
أين تتواجد ( المنزل ، الجامعه ...) ؟ أكييييد بالبيت
نفسيتك الآن ( حزين ، سعيد ... )يعني الحمد لله منيح

طبعا بالنسبه لليوم شكله ان نشاء الله راح يكون خير علينا كلنا صحيت على الوحده عشان ادرس وهسا الساعه الثالثه وطبعا هربت من الدراسه
وملاحط اشي حلو انوا المنتدى صاير حلو من وراي شو القصة صاير في حركة وهدا بفضل الله وجهودكم طبعا سامحوني لقلة موضيعي والرودود بس انتوا عارفين التوجيهي وبياخته وانشاء الله بعد التوجيهي بتشوفوا مني الاعجأب انغام الشوق يا رب يكون يومك حلو مثل ترحيبك فينا وردودك الحلوه وما تنسيناه مراد الطرمان بفديك بروحي يا صاحبي وانتا ابتعرف هدا الحكي خليك متواصل معنا على طول الجنرال موسس هدا المنتدى ما رح تنسأنى مس بثينه ما بعرف شو احكي كل اشي فيكي حلوا تعجز الكلمات نفسها عن وصفك


واليوم الكم مني اقتراح حلو ما بعرف ادا بتوافقني عليه ولا لا طبعا انا بعرف انوا منتدنا نور فيكم بس لسا بده كمان راح اطلب من كل واحد طلب

انغام الشوق : طبعا راح ابلاش فيكي لانك صاحبة الموضوع الحلو بصفتك وردة المنتدى الوحيده الي حاليا ابتتفاعل معنا راح اطلب منك اتجيبي اعز صاحباتيك وتخليهم يسجلوا عنا وما رح ارضى اقل من صاحبتين هههه بمزح حاولي قدر ما تقدري

مراد : الكلام الي انكتب لانغام اللشوق نفسه الك بس مو صاحبتين صاحبين هههههه ( اسد منتدنا يا طرمان)

مس بثينه : اي حدا ابتعرفيه وبتحبيه هاتيه ههههه

بالنسبه الي جبتلكم مأمون العرامين ونضال حمد ملك التوجيهي كله وبوعدكم اخليهم يشاركوا معنا وراح اجيب كمان لسا

سامحوني طوليت عليكم بس القلب ما بمل منك والله يعطيكم الف عافيه والكلام والاقتراح لكل الاعضاء والي مو راضي عنه ما عندي ادنى مشكله وكل واحد بسجل واحد يحكيلنا زي ما حكتلكم
الرجوع الى أعلى الصفحة اذهب الى الأسفل
أسيرة الأحزان

avatar

عدد المساهمات : 1030
تاريخ التسجيل : 14/02/2009
العمر : 45
الموقع : www.elite.msnyou.com

مُساهمةموضوع: رد: الركن الهادي .. مذكرات الاعضاء   الثلاثاء مارس 30, 2010 5:17 pm





اول شي صباااااااااااااااااااااااااااح الخيرات والوردات والبسمات ع عيون كل واحد في المنتدا









تاني شي ربي يكونلكم معين وينجحكم يا رب والله انا بعذركم وبعرف ومتأكده وبحكيلكم كمان

انو الدراسه اهم وابدى من كل شي بس لو الواحد يدخل كل يوم بس نص ساعه بفتره استراحته

ويغير جو الدراسه والله كل اللي بالمنتدا غالين علي وبعزهم الله يعلم اديش

واقتراحك اكتير حلو ي ريت علشان منتدانا يكبر ويعمر كل واحد يدل صديق او صديقين عليه

ويوم عن يوم اكيد راح يصير اكبر واحلاااااااااااااااااا منتدا بالعالم

بكفي انو اللي فيه نفسياتهم سليمه وقلوبهم طاهره وصافيه ومحبه

وهادا اهم شيء بالدنيا واهم انا انكون الف وما حد بعرف حد او ما حد قلبه ع التاني




صح يا شباب ...




















الرجوع الى أعلى الصفحة اذهب الى الأسفل
أنغام الشوق

avatar

عدد المساهمات : 102
تاريخ التسجيل : 09/07/2009
العمر : 25

مُساهمةموضوع: رد: الركن الهادي .. مذكرات الاعضاء   الثلاثاء مارس 30, 2010 7:44 pm






مرحبااا ..

والله اقتراح المستر صراوي حلووو ..

بس من وين أجيبلكم صاحبتين توجيهي ... منيح أني مسجلة ... أنا رح أحاول إن شالله

بس خلص بعد التوجيهي بوعدكم بأربعة مو تنتين


وبعدين صحييييح ... مس بثينة بتعرف كل صاحباتي ... هي شاطرة بتقنعهم يسجلو

صح مس بثينة ؟؟


*************************



اسمك / لقبك : أنغـ الشوق ــام

اليوم : الاثلاثاء
التاريخ : 30/3/2010
التوقيت : 2:27
ماذا تسمع الآن : تحلى الدنيا
ماذا تشرب الآن : ..ولا اشي.
ماذا تأكل الآن : ولا اشي
البلد : الأردن
أين تتواجد ( المنزل ، الجامعه ...) ؟ البيت
نفسيتك الآن ( حزين ، سعيد ... ) ؟ الحمد لله مبسوطة مع أنو كان اليوم كتير صعب وزنخ بالمدرسة



************


اليوم يوم تاريخي عندي .... نزلت ع الإدارة وتاني مرة بحياتي بتصير معي مشكلة بالمدرسة ..
بكرا ناوي أكمل المشكلة ...

************
الرجوع الى أعلى الصفحة اذهب الى الأسفل
m.sarrawi92

avatar

عدد المساهمات : 329
تاريخ التسجيل : 10/10/2009
العمر : 25

مُساهمةموضوع: رد: الركن الهادي .. مذكرات الاعضاء   الثلاثاء مارس 30, 2010 10:12 pm

طبعا انا عارف انوا توجيهي ( نكد) هو السبب عادي مو مشكله بس مع الايام بدنا انشوف اعضاء جدد وطبعا مو لحالك كنتي عند الاداره اليوم
احنا كمان كنا عند ها وصارت مشاكل كثير واخدوا ارقام اولياء امورنا وصاروا يهديدونا لانو المدير فات على الصف وشاف منظر الصف ميمعه
ولا واحد معه كاتب الشباب كله ابتعلب بالخلويات وطبعا انا معهم او اولهم نزلولنا واعطونا بهدله امرتبه وسجلونا غياب وطبعا احنا بطبعنا
ما سكتنا بلشنا نرمي حكي لانو بصراحة الوضع الدراسي عنا بالصف ولا كانوا توجيهي ما في امتحانات جديه كأنا صف عاشر ولا تاسع مو توجيهي
وطبعا ادعولي اليوم نفسيتي تعبانه لانو بتعرض لضغط من اهلي عشان الدراسه ومن الاداره والمدرسه ومشاكل مع الاداره الله يمرق هاليوم على خير يعطيكوم الف عافيه
الرجوع الى أعلى الصفحة اذهب الى الأسفل
أسيرة الأحزان

avatar

عدد المساهمات : 1030
تاريخ التسجيل : 14/02/2009
العمر : 45
الموقع : www.elite.msnyou.com

مُساهمةموضوع: رد: الركن الهادي .. مذكرات الاعضاء   الأربعاء مارس 31, 2010 3:07 am







اليوم : الثلاثاء
التاريخ : 30/3/2010
الساعه : 10:00
شو بشرب قهوه
شو باكل كنافه من القاضي اللي بالزرقاء الجديده هههههه امممممممممم لذيذه
المزاج مبسوطه مبسوطه مبسوطه والحمد لله
مع انو النت مجنني بطيئ اكتيررر ااكتير متل السلحفاه

يومياتي :

الحمد لله اليوم رحت مشوار التربيه وكان موفق والحمد لله وما صارت عشره الا كنت مخلصه شغلي طبعا النت جنني اليوم خلص الداولود تبعه وبطيء ع الاخر بتطلع روحي علشان اروح من صفحه لصفحه علشان هيك اعذروني هدول اليومين المواضيع قليله ههههههه
المهم يومي كان حلو اكتير وهو طبيعي لما يكون استاذ ماجد عندي بحرك الجو اااااكتير وبخليني دايما اضحك
واليوم كان مستعجل ع الترويحه بدو يروح يشتري لمرتو ورق دوالي ههههههههههه

المهم اليوم اجو عندي صاحباتي نرجس وايمان وانبسطنا اااااكتير

عكسك يا انغام الشوق ويا صراااوي عكس يومك

يعني يا انغام الشوق عادي ما اخدتو حصه انزلوا ع الطابور واحضروا السلام الملكي مش ضروري اضلوا بالصف وما تنزلوا ع الطابور
وانتا صراوي باشا كيف بتروحوا المدرسه بدون كتب طبيعي تنزلوا ع المدير صح ههههههههههههههه

شفتوا شمت فيكم ههههههههه
المهم باخر كلامي بدي اقدم اعتزااااااااااااااااااااااااااااااار ااااااااااااااااااااااااااكبير للجنرال

جنرال باشا انا بعرف انك راح تقرا هادا الكلام بالليل والحمد لله بكون نايمه يعني مش راح تتصل اتصرخ علي هههههههههههه انا بعتذر عن الحرب اللي صارت بصفحتك اليوم هههههههههههههههههههههههه

ما كان قصدي والله هههههههههه بس هي البنت اللي عندك استفذتني اكتير وجبرتني ارد عليها
ههههههههههههه اه ا ه انا اللي كنت ارد مش ايمان ههههههههههههههههه هي كانت بدها تكتبلك اشي ع صفحتك فرحت انا اللي رديت وبلشت الحرب هههههههههههههه بتمنى انها اتكون انتهت ع خير يا ويلك من اللي راح يصرلك الليله ما في نوم راح اضل اتصالح واتراضي للصبح ههههههههههههههههه مسكين

بجد بجد سوري ... ههههههههه وعادي انا مستعده احكي مع اللي بدك اياه واصلح الامور هههههههههههههه اعده اتخيل شكل وجهك لما اتشوف الحرب اللي صارت بصفحتك تعرف يمكن الي شهر ما اضحكت اد ما اضحكت اليوم ثلاثي الشر كان مجتمع اليوم انا وايمان ونرجس ههههههههههههههههههههه يله مش انتا كاتب زعلان ومضايق ههههههههههههههه وزيد عليها كمان ومصدوم ههههههههههه

بكره لا تيجي ع المركز مااااشي

الحمد لله بلشت ارجع انا وبلشت الاقي حالي مره تانيه


تصبحوااااااااااااااااااااااااااا ع خيرررررررررررررررررررر

































الرجوع الى أعلى الصفحة اذهب الى الأسفل
الجنرال
المدير العام
المدير العام


عدد المساهمات : 591
تاريخ التسجيل : 06/02/2009
العمر : 28

مُساهمةموضوع: رد: الركن الهادي .. مذكرات الاعضاء   الأربعاء مارس 31, 2010 8:00 pm

الله لا يوفق اليهود .... وانا يا بثينة بهدلت البنت ورميت عليها اليمين
واخر شي طلعتي بتمزحي ... شو رح يكون موقفي قدام الامم المتحدة
يا عفو الله ... عنجد مصدومة بجد ومش بنطئ


[
الرجوع الى أعلى الصفحة اذهب الى الأسفل
أسيرة الأحزان

avatar

عدد المساهمات : 1030
تاريخ التسجيل : 14/02/2009
العمر : 45
الموقع : www.elite.msnyou.com

مُساهمةموضوع: رد: الركن الهادي .. مذكرات الاعضاء   الخميس أبريل 01, 2010 3:44 am





اليوم : الاربعاء
الساعه : 10:45
شو باكل : برتقال

: شو بشرب : ولا شي

وين انا : بغرفتي

مزاجي : مشتاقه وكلي لوعه


يومياتي :


عاده بكون يوم الاربعا ويوم السبت اكتر ايام مرهقه ومتعبه خلال الاسبوع لانو بكون فيها ضغط اكتير

وعاده بروح الاربعا مهلوكه ع الاخر متل اليوم يعني

كان يوم متل العاده طلاب ودوشه وشغل نزلت موضوع عن تحليل الشحصيه وطبعا وانا انزل فيه

كانوا عندي الشباب وعملنا تحليل لكل المجموعه واضحكنا ااااااااكتير وطلع استاذ ماجد ع صوتنا يبهدل بس لما شافني
\
حكى اذا المديره هي سبب الفوضاى انا شو بدي اعمل ههههههههههههه

المهم ما ردينا عليه بس بعد شوي طلع استاذ وهبي فعرفت انو صوتنا عنجد كان عالي فسكرت الموضوع وما كملنا لعب ههههههه

بتطلع شمس وبتغيب شمس .. وببتدي يوم وبنتهي يوم .. بتمر دقايق وساعات .. وكل اشي بروح وبتبقى الذكريات

وبرجع اسأل واحكي ليش مش عارفه اعمل زي اللي بحكي (((

اللي نساك انساه واللي هواك اهواه واللي قدر على فرقاك تقدر على فرقاه ))) اااااااااااااه لو اقدر اعمل هيك كان كل مشاكلي بتنتهي

تصبحواااا على خير ... والى الملتقى





















الرجوع الى أعلى الصفحة اذهب الى الأسفل
أنغام الشوق

avatar

عدد المساهمات : 102
تاريخ التسجيل : 09/07/2009
العمر : 25

مُساهمةموضوع: رد: الركن الهادي .. مذكرات الاعضاء   الخميس أبريل 01, 2010 6:35 pm



اسمك / لقبك : أنغـ الشوق ــام
اليوم : السبت
التاريخ : 1/4/2010
التوقيت :10:45
ماذا تسمع الآن : توتو دح فاتحها لابن أخوي

ماذا تشرب الآن : ولا اشيي
ماذا تأكل الآن : كمان ولا اشي
البلد : الأردن
أين تتواجد ( المنزل ، الجامعه ...) ؟ بالبيت ...بس هلا طالعة ع المركز

نفسيتك الآن ( حزين ، سعيد ... ) ؟ الحمد لله على كل حال ..يعني نص نص



**********








الرجوع الى أعلى الصفحة اذهب الى الأسفل
أسيرة الأحزان

avatar

عدد المساهمات : 1030
تاريخ التسجيل : 14/02/2009
العمر : 45
الموقع : www.elite.msnyou.com

مُساهمةموضوع: رد: الركن الهادي .. مذكرات الاعضاء   الخميس أبريل 01, 2010 6:50 pm



هههههههههههههههههههههه

انغام الشوق اليوم الخميس مش السبت

معلش هو يا اما

1. معلش انتي توجيهي

2. هاي كذبه نيسان انو اليوم الخميس وبنحكي انو السبت

3. الله بعينك ع كشفيه دكتور مستعجله

ههههههههههههههههههه


















الرجوع الى أعلى الصفحة اذهب الى الأسفل
أنغام الشوق

avatar

عدد المساهمات : 102
تاريخ التسجيل : 09/07/2009
العمر : 25

مُساهمةموضوع: رد: الركن الهادي .. مذكرات الاعضاء   الجمعة أبريل 02, 2010 1:25 am

مس ب ث ي ن ة كتب:


هههههههههههههههههههههه

انغام الشوق اليوم الخميس مش السبت

معلش هو يا اما

1. معلش انتي توجيهي

2. هاي كذبه نيسان انو اليوم الخميس وبنحكي انو السبت

3. الله بعينك ع كشفيه دكتور مستعجله

ههههههههههههههههههه




ههههههههههههههههههههههههههه



لا لا ...انسيتي احتمال رابع ..

هاد من الصدمة لأنو كل مخططاتي لليوم خربت ..


الله يسامحك لو سترتي علينا كان شو صار يعني

هههههه
الرجوع الى أعلى الصفحة اذهب الى الأسفل
أسيرة الأحزان

avatar

عدد المساهمات : 1030
تاريخ التسجيل : 14/02/2009
العمر : 45
الموقع : www.elite.msnyou.com

مُساهمةموضوع: رد: الركن الهادي .. مذكرات الاعضاء   الجمعة أبريل 02, 2010 2:58 am




هههههههههههههههههههه

خلص خلص .. حقك علي .. اسفه


اعتبري الكلام ما صاااار


بس بصراحه انا فكرتها بجد كذبه نيسان


ومعلش الدنيا بتخرب من ناحيه لابد انها تزبط من ناحيه تانيه لا اتخافي ربنااااااااااااااااا كبير




















الرجوع الى أعلى الصفحة اذهب الى الأسفل
مجنون خوخه

avatar

عدد المساهمات : 489
تاريخ التسجيل : 19/02/2009
العمر : 25
الموقع : بين شفتيها

مُساهمةموضوع: رد: الركن الهادي .. مذكرات الاعضاء   الجمعة أبريل 02, 2010 8:34 pm

صـــبـــــاح بــــلـــــون البنفسج
كيفكم ؟؟
شو اخباركم ؟؟؟
موضوع رائع

اسمك / لقبك : مجنون خوخه
اليوم : الجمعة
التاريخ : 2/4/2010
ماذا تسمع الآن : اغنية ادم ارجعلي
ماذا تشرب الآن : ببسي
ماذا تأكل الآن : لا شئ
البلد : الأردن
أين تتواجد : المنزل
نفسيتك الآن:
الرجوع الى أعلى الصفحة اذهب الى الأسفل
http://elite.msnyou.com
أسيرة الأحزان

avatar

عدد المساهمات : 1030
تاريخ التسجيل : 14/02/2009
العمر : 45
الموقع : www.elite.msnyou.com

مُساهمةموضوع: رد: الركن الهادي .. مذكرات الاعضاء   السبت أبريل 03, 2010 6:11 am





اليوم : ما بعرف هو صار السبت بس انا لسه بعتبروا الجمعه ههه
الساعه : 12:50
ما باكل ولا بشرب شي وقاعده بسريري



يومياتي

بدي اكتب عن اليوم وامبارح لاني امبارح ما كتبت ههههههههههه بطلعلي صح

تعرفوا اكتر شي بحبه هو انو طلابي القدامي يجوا يزوروني وامبارح اجو عندي اعفرت طلاب وكنت مبسوطه فيهم اكتير وهم يحكولي عن الجامعه كانو اشقي شبااب عندي بالمركز كنت احسهم اطفال بس امبارح حسيتهم كبروا فجأه

وتعرفوا كمان اكتر شي مزعج بشغلنا انو كل ما اتعود ع ناس واحبهم .. بروحوا لانهم بنتقلو لمرحله جديده بحياتهم .. ومع انو الصله بضل موجوده مع معظمهم بس هي ما بتكون متل ما انك اتشوفهم بشكل يومي .. هيك الدنيا.. بصير الهم اهتمامات تانيه وحياه تانيه واولويات اهم من المركز
وما بتعرفوا اديش هادا الشي باثر بنفسيتي وبتعبني وكل مره بحكي ما بدي احب الطلاب ولا اتعلق فيهم بس ما بقدر وبالعكس كل فوج بتعلق فيه اكتر من اللي قبله ومش عارفه كيف بكره بعد كم شهر راح اودعكم ,, يله ربي بكون بالعون


اما بالنسبه لليوم كان جميل نوعا ما طلعنا رحله من الصبح بدررررري مع انو كان نفسي انام واتاخر بالنوم لنص النهار بس كنا مجبرين نصحي بدري علشان نطلع المهم افطرنا بحدئق الحسين بعدين رحنا اتغدينا بغمدانا والمسا رحنا ع الملاهي وحديقه الحيوانات وشفنا الاسد والنمر والفهد هههه

تعرفوا انا بحب الرحلات الجماعيه اللي بتطلع فيها كل العيله مع انو الزناخه بالطريق لانو كل السيارات لازم تمشي ورا بعض وتقعد تستنا هادا وتمشي ورا هادا بضيع الوقت واحنا نستنا بعض ع الطريق هههههه

اليوم حسيت اديش انا انسانه محظوظه بعيلتي بحبهم وبترابطهم مع بعض ربي يخليلي اياهم

بس

بس طيفك ما تركني ..ظل ساكن وسط جفني

كان طيب وانتا قاسي .. كان يذكر وانتا ناسي

انتا وينك ... انتا وينك؟؟؟؟؟؟؟؟؟؟؟؟


















الرجوع الى أعلى الصفحة اذهب الى الأسفل
أسيرة الأحزان

avatar

عدد المساهمات : 1030
تاريخ التسجيل : 14/02/2009
العمر : 45
الموقع : www.elite.msnyou.com

مُساهمةموضوع: رد: الركن الهادي .. مذكرات الاعضاء   الأحد أبريل 04, 2010 4:28 am



اليوم : السبت
الساعه : 11:00
شو بشرب : والله ميته واشرب اشي بارد بس مكسله اروح المطبخ هههههههه
شو باكل ولا شي

شو بسمع طبعا القيصر ما الي غيره اروع من غنى كنت اسمع اكرهها وهلا بسمع





كلماتنا بالحب تقتل حبنا ..ان الحروف تموت حين تقال ...

قصص الهوى قد جننتك .. فكلها غيبوبه وخرافه وخيال ..

الحب ليس روايه يا حلوتي بختامها يتزوج الابطال

هو ان نثور لاي شي تافه هو ياسنا هو شكنا القتال

هو هذه الكف التى تغتالنا ونقبل الكف التي تغتال


هههههه


يومياتي :

مشتاقالكم ااااااااااااااكتير اااااااااااااكتير علشان داومت نص يوم بس حاسه اني زمااااااااااااان ما شفتكم

اليوم كانت خطوبه بنت عمي حبيبتي ... طلعت زي القمر وااااحلى شوي كمان وكانت الحفله راااااائعه جدا

عقبال كل بنات وشباب المركز ياااااااااااااااااااااااااااارب


وحابه عن طريق منتدنا المركز احكيلها الف الف الف مبرووووووووووووووووووووووك








اسمعوا الرووووعه هاي





هل عندك شك بانك عمري وحياتي وباني من عينيكي سرقت الناااااااار وقمت باخطر ثوراتي


يا قمر يطلع كل مسااااء من نافذه الكلمات ..يا اخر وطن اولد فيه وادفن فيه وانشر فيه كتاباتي
قولي لي كيف سانقذ نفسي من اشواقي واحزاني

قولي لي ماذا افعل فيكي انا في حاله ادماني

قولي لي قولي ما الحل فاشواقي وصلت لجدود الهذياني

رااااااااااااااائع انت يا نزار ... ورهيب يا كاظم

تصبحوااااااااااااااااااااااااااااااااا على خير






هااااي انتو بكره الصبح بالنسبه للمدرسه .. وانا بالنسبه للشغل .. بس انا والله ما بكره شغلي ابدا هههههههه























الرجوع الى أعلى الصفحة اذهب الى الأسفل
 
الركن الهادي .. مذكرات الاعضاء
استعرض الموضوع السابق استعرض الموضوع التالي الرجوع الى أعلى الصفحة 
صفحة 1 من اصل 2انتقل الى الصفحة : 1, 2  الصفحة التالية

صلاحيات هذا المنتدى:لاتستطيع الرد على المواضيع في هذا المنتدى
مركز الصفوة الثقافي :: منتدى التواصل :: فنجان قهوة-
انتقل الى: