مركز الصفوة الثقافي
عزيزي الزائر / عزيزتي الزائرة يرجى التكرم بتسجبل الدخول اذا كنت عضو معنا
او التسجيل ان لم تكن عضو وترغب في الانضمام الي اسرة المنتدى
سنتشرف بتسجيلك
شكرا
ادارة المنتدى(الجنرال)



 
الرئيسيةالبوابةالتسجيلدخول

شاطر | 
 

 الركن الهادي .. مذكرات الاعضاء

استعرض الموضوع السابق استعرض الموضوع التالي اذهب الى الأسفل 
انتقل الى الصفحة : الصفحة السابقة  1, 2
كاتب الموضوعرسالة
m.sarrawi92

avatar

عدد المساهمات : 329
تاريخ التسجيل : 10/10/2009
العمر : 25

مُساهمةموضوع: رد: الركن الهادي .. مذكرات الاعضاء   الثلاثاء أبريل 06, 2010 9:25 am

اسمك / لقبك : محمد الصراوي (m.sarrawi92)
اليوم :الثلاثاء
التاريخ :
التوقيت :
ماذا تسمع الآن :ولاشي
ماذا تشرب الآن : ولاشي
ماذا تأكل الآن : ولا شي
البلد : اربد هههه
أين تتواجد ( المنزل ، الجامعه ...) ؟ البيت
نفسيتك الآن ( حزين ، سعيد ... ) ؟ من الله يا محلاني

من زمان مافوتت على هدا الموضوع بس سامحوني عنجد الرد على هدا الموضوع الي شخصيا بعتربه من احلى الموضيع لانغام الشوق الرد عليه
طويل يعني بدي اكتب كل اشي صار معي بضيع وقت ههه بس عنجد شكلكم دعتولي لانو وضعي الدارسي بتحسن بشكل كبير وبدات الحق المعلمين يومي كان حلو زيكم وما فيه اي مشاكل الا مشاكل بسيطه مع هالمشاطيب الي عنا بالصف سلامي الكم كلكم وبتمنى الكل يرد على هدا الموضوع لانو عنجد هو الموضوع الي راح يضل دكره النا بعد التوجيهي سلام يا حلوين
الرجوع الى أعلى الصفحة اذهب الى الأسفل
أسيرة الأحزان

avatar

عدد المساهمات : 1030
تاريخ التسجيل : 14/02/2009
العمر : 45
الموقع : www.elite.msnyou.com

مُساهمةموضوع: رد: الركن الهادي .. مذكرات الاعضاء   الثلاثاء أبريل 06, 2010 8:04 pm



والله صراوي معاك حق موضوع مميز
بس هي قله فضاوه

بس بجد صرت لما ادخل هون ارتاح نفسيا

راح احكي عن اول امبارح

اول امبارح عملت حركه نداله زضميري بأنبني ولازم احكيلكم اياها انا خنتكم يا جماعه بس مش بقصدي دخلت ع منتدىدلني عليه حسام صبيح الشقي .. هو فيه مشرف وحب اني ادخل عليه واشوفه

عجبني موضوع فيه ولما اجيت انقله كتبولي اني لازم اشترك ..اشتركت ولما اجيت انقله كتبولي لازم اتحطي موضوع ..ههههه حطيت موضوعين مش موضوع ههههههه واتفاعلت معاه شوي هو حلو بس اللي فيه زنخين معقدين .. بس شو رفعتلكم راسكم كل اللي هناك اشدو في وبمواضيعي وبردودي وحكولي انتي انسانه مش عاديه هههههههههههههه وفي واحد كان بدوا يتعرف علي كماااان شو رأيكم ..ههههه طبعا اطلعت من هناك ويمكن ما ارجع تاني الا علشان اللطش .. المهم هادا الموضوع كان شغلني طول الليل والنهار

اما امبارح

مش عارفه بايش اوصفه .. ومش عارفه احدد مشاعري فيه صارت معي شغله قلبت كياني ..كيف الواحد بتنقلب حاله من نقيض الى نقيض

شباب بنات انتو قلوبكم صافيه وطاهره ... ادعولي ربي ييسرلي الخير ويختارلي الافضل

والى لقاء قريب



















الرجوع الى أعلى الصفحة اذهب الى الأسفل
أسيرة الأحزان

avatar

عدد المساهمات : 1030
تاريخ التسجيل : 14/02/2009
العمر : 45
الموقع : www.elite.msnyou.com

مُساهمةموضوع: رد: الركن الهادي .. مذكرات الاعضاء   الخميس أبريل 08, 2010 5:27 am




اسمك / لقبك : بثينه ( مس ب ث ي ن ة )
اليوم :- الاربعاء
الساعه :-11:55
شو بكل شو بشرب :- ولا شي
وين انا :- بسريري
مزاجي :- غائم كليا
التاريخ : 7/4/2010
يومياتي


راح احكي عن امبارح شوي ... لاني ما كتبت امبارح لانو الاب توب كان عند الجنرال علشان كان بدو يفرمتو وع اساس ع اساس الساعه 9 المسا يكون عندي بس للاسف ما اجاني الا تاني يوم لانو الجنرال كان مشتاق وبدو ينتنت مه حبيبه القلب هههههههههههه ( انا هيك تهمته بس هو مش هيك والله اعلم )
المهم

يوم 4/6/2009 يوم مشهود بحياتي وكان فيه حدث عظيم غير كل مجرى حياتي وراح يضل مغيرها للابد

امبارح كان من الايام العصيبه جدا جدا كيف مرات لما اتحس انو كل الدنيا اتكركبت ع راسك وانو كل الظروف اتحدت ضدك انا هيك حسيت
كتير من التعب الالم الهموم .. وصار فيه شي اكيد برضوه راح يغيرلي كل مجره حياتي مره تانيه وكانو القدر بلعب في والله هيك حسيت امبارح كأني لعبه بايد القدر

المهم بالنسبه لليوم .. طبعا احداث امبارح مش سهله علشان هيك اتاثر يومي فيها اكتير مع اني حاولت بكل الطرق اني اطلع من هادا المزاج ويمكن اللي ساعدني شوي هو جيت البنات عندي طبعا هاي اول مره يجوا بعد الرحله وطبعا كانو معجبين بالرحله ولا حده فيهم صوتها معاهها كلهم صوتهم مبحوح من كتر الصراخ والغنى انبسط اااااااااكتير لانهم مبسوطين وفرجوني ع صورهم وع تصوير الخلويات والله شوقوني لو كنت معاهم وبكره كمان عندهم حفله وداع بالمدرسه بتمنى انهم ينبسطو فيها
بعدين اجا دور الشباب طبعا الشباب قصه حكايه مش بس بطلعوت روحي وكمان اليوم عصبوني وخلوني اطلع عن طوري لاول مره معاهم ههههه لدرجه انو الاستاذ محمود تفاجاء وحاول يمتص الموقف بس والله جننوني وخاصه قصي ... وهو عارف ليش وكان ضروري ابينلهم الوجه التاني بس بعد هيك راضيتهم ومشيت الامور

تعرفوا الفوج هادا انا متعلقه فيه اكتير سواء بنات وله شباب ومش عارفه كيف بعد شهر وله تنين راح افارقهم

وكانو مكتوب علي اني افارق كل انسان بحبه او بتعلق فيه ..تعبت من كتر الوداع ونفسي ارتاح ..

انا عارفه كانو مصيري هيك اليوم اجا عندي طالب من القدامي مروح من الجامعه وميل علي زارني يمكن هادا اللي عكرلي مزاجي بزياده

حسيت انو كل الناس بتتحرك وبتتغير حياتها الا انا الي خمس سنين اعده ورا المكتب والله اعلم لمتى راح اضل اعده

ما بنكر اني مبسوطه وسعيده بشغلي وبناس اللي حولي .. بس نفسي يضلوا ثابتين وللابد ما نفسي كل اربع او خمس شهور اتعرف ع ناس اجداد وبعد ما احبهم واتعلق فيهم واحس انهم جزء مني يروحوا وينصهروا بالحياه ويتركوني صحيح الكل بيجي وبزورني بس العلاقه ابدا ما بتكون متل الاول

اليوم طولت عليكم اكتير ولسه عندي حكي كتير لو بدي احكي ما بخلص من هون للصبح علشان هيك بكفي اللي حكيتوا وخليني اكمل مع نفسي

بعرف ومتاكده انها ليله بيضه وما فيها نوم متل العاده .


















الرجوع الى أعلى الصفحة اذهب الى الأسفل
أنغام الشوق

avatar

عدد المساهمات : 102
تاريخ التسجيل : 09/07/2009
العمر : 25

مُساهمةموضوع: رد: الركن الهادي .. مذكرات الاعضاء   الجمعة أبريل 09, 2010 3:45 am



بدي أحكي عن الأسبوع الماضي كامل .... "أنا بكتب بالجملة أوفر علي "

الخميس الماضي ، كنت ناوية انو آجي عند مس بثيتنة قبل حصة الرياضيات ونوكل بوظة أنا واياها بس متل كل خمي ..طلعت مس بثينة ما شالله عليها صايمة

لهيك غيرت كل مشاريعي وبطلت مشروع أكل البوظة العظيم اللي ناوية عليه من أول الفصل التاني ومو راضي يزبط

المهم .... روحت يوم الخميس من المركز وكانت أختي عنا سلمت عليهم وضيفتهم وبس روحو بلشت أموت

وأجا يوم الجمعة ، وبلش معي المرض انفلونزا وحرارة وحالتي حالة ... أنا ما خفت إلا أنو أضل مريضة وما أروح ع رحلة المدرسة

المهم ... خلص يوم الجمعة وضليت عايشة ليوم السبت ...يومها للأسف الشديد كنت شبه ميتة ، لهيك ما رحت ع المركز وراحت علي حصة شرح القصة

وراحت علي كمان شغلة مهمة .... ما شفت مس بثينة

وزيادة على هيك ، كل أهلي طلعو رحلة إلا أنا ... بحكولي الرحلة كانت حلوة بس أنا مو مصدقهم

ما في رحلة بغيابي حلوة ههههه

المهم ... خلص يوم السبت وبلش يوم الأحد ... قررت الساعة 7:20 أني أروح ع المدرسة والجرس برن على 7:30 وطبعاً كان عندي إضافي مبلش من زمااااااان

جهزت حالي بسرعة خارقة وطرت ع المدرسة ... وللأسف كالعادة يوم مدرسي ممل وزيادة على زناخة المدرسة كنت مريضة .

وأجا اليوم الموعود ... يوم الإثنين .. طلعت رحلة مع صاحباتي ، وكابرت وقلت أني مو مريضة ، يعني علبه البندول خلصت يومها " الله يرضى عليهم اللي عملولنا بندول إكسترا "

رحنا ع الرحلة ، أول ساعتين اختفى صوتي ... لا حقنا نغني ولا نصرخ بالملاهي

طلعنا على القلعة والبنات عجبوووووو و انبسطنا كتييييييييير .... كانت رحلة تاريخية ، عنجد انبسطنا فيها كتير كتير واتمنينا مس بثينة معنا والله .


روحت ع البيت وأجا بكرا يعني يوم التلاتا ... طلعت ع المدرسة ، وطبعاً كنت الحاضر الغائب ..

حسيت بإحساس الصم الله يعينهم ، يعني أول مرة بحس بقيمة الحكي ..

ومن سوء الحظ ... كان يومها حصصنا علوم أرض وثقافة عامة وإسلامية وكيميا وحصة رياضيات

يعني كل الحصص بدهم حكي وانا ضليت مستمعة ، يعني أول مرة بتاريخ حياتي بجرب يوم كامل وانا ساكتة بحكيش ..

الحمد لله ... خلص يوم التلاتا وأجا الأربعا جيبت ع المركز وأخدت حصة وشفت مس بثينة نتوفة ... صح كانت تضحك .. بس كان في شي مو عاجبني ..والله حسيت أنك زعلانة أو مكركبة شوي ... وتمنيت أحكي معك أكتر ...بس بتعرفي الوزرا دايماً مشغولين يا مس بثينة


المهم ... اجا اليوم الخميس ... حضرت حصة الرياضيات ... وروحت ع البيت

والصراحة ... الي أسبوع ما بدرس زي البشر التوجيهي بس إن شالله هاد الأسبوع يكون أحسن



**************************



مذكرات أسبوعية ... أوفر وأريح ..بس تعبت وانا بكتي ..


تصبحو على خيييييييييير



الرجوع الى أعلى الصفحة اذهب الى الأسفل
m.sarrawi92

avatar

عدد المساهمات : 329
تاريخ التسجيل : 10/10/2009
العمر : 25

مُساهمةموضوع: رد: الركن الهادي .. مذكرات الاعضاء   الجمعة أبريل 09, 2010 7:23 am

كلكم حكيتوا قصصكم وهسا اجا دوري وطبعا هدا الاسبواع ما كان باللشكل المطلوب بدايته كانت رائعة من كل النواحي ونهايته كانت سيئه من كل
النواحي يعني السبت كان ممتاز والاحد كدلك بس اجا يوم الثلاثاء بلاش النكد وطبعا بداية النكد كانت حصة الثقافه العامة لانو بمعلومكم ماده
قرف واستاد اقرف واقرف عمره ما ضحك يسم بدنه روحت على البيت ادرس يا محمد انسي امري نفسي قلبت عن الدراسه كلها وطبعا الثلاثاء ما
عندي مراكز فانه دايما بعتبره من احسن ايام دراستي بس شو بدي اعمل ظليت قاعد لا بدرس ولا بعمل اشي مفيد بعدين حملت حالي وطلعت
على مبارة برشلونه وطبعا ميسي رفع راسنا وفوزنا على ارسنال برباعيه الاربعاء من انكد ايامي لانو مدرسه بعديها من الثنتين الى السابعه وانا
باالمراكز يعني ثلث حصص ببلشها جمعه عياش يفقع راسنا بالحصة بعدين ماجد حمد بكمل علينا وختمها مسك العكرماوي الخميس اتوقعته احسن
من هيك وطبعا احنا بطبعنا ما ابنعرف اضلنا مروحين لازم نضل نلفلف وبصفتي كنت لحالي حملة حالي ورحت على مركز الصفوة عند مس بثينه
وهناك وقع المحظور رحت قرفان و مس بثينه كملة علي كل شوي ابتحكي كلمتها المشهوره يااااااااا اللههههههههههه زهئت
وكالعاده ابتشكلي همها وانا بحكيلها بعين الله روحت من السوق ومين طلعلي بالباص طبعا الاعداء مراد وعثمان روحنا لسا بدي ادرس اجيت
امي ونزلتني على مريش عشان بدها سنيوره يعني عشان البيتزا نزلت وما رجعت روحت مع نضال حمد رجعت عزمته على بيتزا وما رضي
المشطوب روح نضال اكلت بيتزا وحطيت راسي ونمت وهسا اصحيت يعني على اسس بدي ادرس وشوفت عينكم قاعد بشكليكم همي وانشاء الله هدا الاسبوع راح يكون احسن وخصوصا بعد ما برشا تفوز على مدريد يلا بنشوف وجهكم على خير سامحوني طولت عليكم
الرجوع الى أعلى الصفحة اذهب الى الأسفل
أسيرة الأحزان

avatar

عدد المساهمات : 1030
تاريخ التسجيل : 14/02/2009
العمر : 45
الموقع : www.elite.msnyou.com

مُساهمةموضوع: رد: الركن الهادي .. مذكرات الاعضاء   السبت أبريل 10, 2010 3:25 am



وانا كمان بدي احكي واشكي

ع فكره الله يكون بعون هالصفحه شو بتتحمل لتتحمل

انغام الشوق معلش المرض كفاره تفريغ ذنوب .ز وانشالله بتعوضي اللي راح عليكي من الدراسه المهم انك انبسطي مع صحباتك والله انا انبسطلكم اكتير بس ليش ما حكيتي عن حفله الاربعا هههههههه

ضراوي .. هي الايام هيك يوم لك ويوم عليك معلش مصيرها تتعدل والله كنت متعصبه اكتير الخميس من استاذ محمود لانو بخليني فاضيه فاضيه وبيوم وليله بصير بدو ورقه معينه وبكره اني اطبعها وهو مداوم بالمركز التاني لاني بدي اسأل مليووووووووون سؤال لانو خطه مش سيء بس لالا هو الغاز بالغاز
وانا وانتا وبكره قريب بتشوف انو ما راح يطلبها لانو لسه الورقه اللي قبلها ما خلص شرحها المهم انها راحت واشوف من هون لبكره

بالنسبه الي .. ما بعرف انا مشتته اكتير في موضوع براسي ومش عارفه كيف اتصرف فيه حاسه حالي مشلوله لا قادره اقدم ولا قادره اتراجع
تعرفوا لما اتحسوا انو في شخص غالي عليكم بتألم وبتوجع وانو مش مبسوط وانك انتا ممكن اتكون طرف وجزء كبير بسبب المه ولا انتا عارف تبعد ولا اتقرب نفسك يحكيلك كل اللي بباله وكل اللي زاعجه مع انك بتعرف انو اللي راح يحكي راح يألمك وييوجعك بس رغم ذلك انتا بدك اياه يحكي يفضفض
مش عارفه شو الحل انا بحس انو راح يموت ومش عارفه امد ايدي اساعده

شو اعمل شو اسوى انا ما بدي اجرح حد ولا بدي اكون سبب تعاسه حد مستعده انسحب اختفي بس الكل يضل سعيد
نفسي القا حد يساعدني يحكي معي يرشدني شو اعمل وين اروح


















الرجوع الى أعلى الصفحة اذهب الى الأسفل
m.sarrawi92

avatar

عدد المساهمات : 329
تاريخ التسجيل : 10/10/2009
العمر : 25

مُساهمةموضوع: رد: الركن الهادي .. مذكرات الاعضاء   السبت أبريل 10, 2010 5:15 pm

مس بثينه بدي اسألك اسئله بتمنى اتريحك

أجب على الأسئلة التالية بنعم أو لا:

1- هل لديك بيت يؤويك ومكان تنام فيه وطعام تأكله..؟
إذا أجبت بنعم على السؤال فأنت أغنى من 75% من سكان العالم.

2 - هل لديك مال في جيبك وتوفر منه شيئا للشدة..؟
إذا أجبت بنعم على السؤال فأنت واحد ممن يشكلون 8% من أغنياء العالم.

3 - هل تشعر بالصحة والعافية اليوم..؟
إذا أجبت بنعم على السؤال فأنت أفضل من مليون إنسان في العالم لن يعيشوا لأكثر من
أسبوع بسبب مرضهم.

4 - هل عشت الحروب أو ذقت طعم السجن أو لوعة التعذيب..؟
إذا أجبت بلا على السؤال فأنت أفضل من 500 مليون إنسان على سطح الأرض.

5- هل تستطيع الصلاة دون خوف من الاعتقال أو التعذيب أو السجن..؟
إذا أجبت بنعم على السؤال فأنت في نعمة لا يعرفها 3 مليارات من البشر.

6- هل أبواك على قيد الحياة ويعيشان معا غير مطلقين..؟
إذا أجبت بنعم على السؤال فأنت نادر في الوجود.

7- هل بامكانك أن تبتسم الآن وتقول الحمد لله..؟
إذا أجبت بنعم على السؤال فأنت في نعمة يستطيعها الكثيرون ولكن لا يفعلون.

وهسا بدي اعطيكي نصائح الك وللكل الاعضاء وخصوصا التوجيهي


عندما تطبق هذه النقاط يجب ان تكون على اقتناع

تام بمحتواها.

-إليكم النصائح :

1-
كن واثقا من نفسك ومن قدرتك على معالجة الامور ....!!

2-
عالج امورك ومشاكلك ....

3-
اجلس الى نفسك كل يوم ولو وقت قصير ...!

4-
رسخ ايمانك بعدم وجود المستحيل في الحياه ......

5-
لاتضع عقبات في تفيكرك ....

6-
لا تقلد احدا في الامور التشاؤميه .

7-
غير مجرى تفكيرك يتغير مجرى حياتك .

8-
لو ارغمت على عمل شئ لا ترغب فيه حاول ان تغير شعورك ونفسيتك تجاهه .

9-
نظم وقتك وعملك فالفوضى تخلق النكد والقلق والكراهيه ...؟؟؟

10-
لاتحمل في رأسك فكرة صعوبه الاشياء فتصبح كذلك .....

11-
كن متاكدا بأن الصحة والنجاح بيدك .

12-
لاتخاف ولاتخشى المجهول والغامض والمبهم ....

13-
لاتكن مفرطا في الحساسيه خاصة لبعض الناس .

14-
لاتسئ فهم نفسك ....

15-
لاتستعجل الامور فالأمور مرهونه بأوقاتها . !!

16-
توقع الخير والأمل والتفاؤل تجدهم ولاتتوقع الشر فيسري اليك .....

17-
لاتجعل حياتك عبئا لايطاق ....

18-
لاتنسى ان التفكير بالنجاح هو النجاح نفسه والعكس صحيح .

19-
ضع في مخيلتك بأنك ارقى من الناس جميعا .

20-
اكبر في عين نفسك ....؟؟

21-
لاتفعل الا ماهو لائق بالانسان الكامل والشخصيه المتزنه ......

23-
لاتهتم بأراء الناس ولاتكترث بنقدهم لك ..... إلا إذ كان مفيدااااا ...!

24-
احرص على الكمال حتى في اتفه الاشياء .

25-
قدم المديح للآخرين وابحث عن نقاط الجمال عند الاخرين .

26-
ان الطبيعه الانسانيه في جوهرها واحده لاتتعدد بتعدد الاجناس ولا الشعوب ولا الاديان ...؟؟

27-
الطريقه الوحيده للتأثير في الناس هي التكلم فيما يرغبه الناس .....

28-
ليس هناك جميل ولا قبيح وانما تفكير الانسان هو الذي يصور احدهما للانسان .

29-
الطريق الى قلب الانسان هو ان تكلمه فيما يسره ...

30-
كل شخص تتلقاه يفوقك في ناحيه واحده على الأقل وفي هذه الناحيه يمكن ان تتعلم منه .

31-
حدث الآخرين عن أنفسهم تكتسب حبهم . .....

32-
توكل على الله واشكره على كل حال .....

33-
كن ايجابيا دائما ....

34-
لاتتصور انك انت الوحيد الذي يعاني
الرجوع الى أعلى الصفحة اذهب الى الأسفل
أسيرة الأحزان

avatar

عدد المساهمات : 1030
تاريخ التسجيل : 14/02/2009
العمر : 45
الموقع : www.elite.msnyou.com

مُساهمةموضوع: رد: الركن الهادي .. مذكرات الاعضاء   الأحد أبريل 11, 2010 4:34 am



اليوم : السبت

الساعه :11:30



اول شي بدي اشكرك يا صراوي على اهتمامك ودعمك والحمد لله على كل خير


كان يوم متعب جدا جدا ولكنه نوعا ما جميل من الايام المليئه بالضحك والعب والفوضى والعمل والمهم اني انجزت كل شغلي اليوم مع انو استاذ محمود زنفني بالطباعه بس حسيت انو بتحداني اخلص اليوم وانا بموت بالتحدي وفعلا خلصت شغلي مع اذان المغرب يعني اتاخرت بموعد الترويحه ساعه كامله علشان خاطر عيونكم

بس مش مشكله كله يهون علشانكم

وطبعا اليوم كان في فوضه ااااااااااكبيره علشان مبارات برشلونه ومدريد حتى البنات كانوا متبعين الحدث وعملولي فوضه ما بعدها فوضه


ومجنون خوخه احسنلك انتا والجنرال ان لا تصضعوا اقدامكم بالنهر مرتين ههههههههههههه


بالنسبه لحيرتي زادت وما نقصت مرات بحكي لحالي مالك يا بنت انتي انجنيتي .. مرات تانيه بحس اني مسحوره ومسلوبه الاراده وبمشي بطريق مش عارفه شو نهايته

ربي يقدرلي ويقدر للجميع كل خير بعرف ربي بحبني وما راح يخترلي الا الافضل



















الرجوع الى أعلى الصفحة اذهب الى الأسفل
m.sarrawi92

avatar

عدد المساهمات : 329
تاريخ التسجيل : 10/10/2009
العمر : 25

مُساهمةموضوع: رد: الركن الهادي .. مذكرات الاعضاء   الأحد أبريل 11, 2010 5:18 pm

هههههه اول اشي انا نزلت الموضوع عشان اريحك مو ازيد همك مو مشكله انا امبارح كنت فرحان خصوصا بفوز برشلونه على المدريد المشاطيب
ومو لحالك يا مس بثينه مهمومه بالعكس في عندهم هم اكثر منك وادا بتشوفي همهم بتهون عليكي مصبتيك مو مشكله الله بعين وضعي الدراسي حاليا زي الزفت ادعولي
الرجوع الى أعلى الصفحة اذهب الى الأسفل
أسيرة الأحزان

avatar

عدد المساهمات : 1030
تاريخ التسجيل : 14/02/2009
العمر : 45
الموقع : www.elite.msnyou.com

مُساهمةموضوع: رد: الركن الهادي .. مذكرات الاعضاء   الأحد أبريل 11, 2010 5:34 pm



طبعا مبسوطين علشان برشلونه

ههههههههههههههههه
ربي يهنيكم


يا خسارتك يا استاذ ماجد

ههههههههههههههههه

كان نفسي اشوف شكله لما خسر

اكيد سكر تلفونه

ويا صراوي لا تقل يا رب عندي هم كبير

ولكن قل يا هم عندي رب كبير

الله يفرجها ع الجميه يا رب



















الرجوع الى أعلى الصفحة اذهب الى الأسفل
أنغام الشوق

avatar

عدد المساهمات : 102
تاريخ التسجيل : 09/07/2009
العمر : 25

مُساهمةموضوع: رد: الركن الهادي .. مذكرات الاعضاء   الثلاثاء أبريل 13, 2010 1:50 am



اسمي : أنغام الشوق

اليوم : الإثنين

التاريخ : 12/4/2010

الساعة : 8:45

ماذا تأكل الآن : ولاااا اشي ولا بشرب كمان

نفسيتكـ : الحمد لله فرحااااانة كتير كتير بس مع هيك في شغلة صغيرة مضايقتني



مذكرات اليوم :


الصراحة ما كنت ناوية أدخل ، على أساس أنو الكيميا صعبة وبدها دراسة كتير هالأيام ومو فاضية


بس اليوم ، صارت شغلة كتير كتير حلوة معي وحبيت أكتبها

اليوم صحيت كتير مبسوطة لأنو الجو كان حلو ، وبكيف على الجو اللي بكون متل اليوم

في المدرسة ، أثناء الطابور تفاجأت أنو المعلمات حضرولي مفاجأة وجابولي هدية حلوة كتير كتير وكرموني على الإذاعة
والأحلى أنو عرفت أنهم بحبوني ... والله أني بحبهم واليوم حبيتهم أكتر


اليوم كل شي كان حلووو ... حتى صاحباتي وبنات صفي كانو غير شكل ، لو دايماً هيك بكونوا

وفي كمان شغلة حلوة اليوم ، أنو بكرا عيد ميلاد الآنسة زهرة النرجس .... فكل عام واهي وأنا بخير


بس نفسي أعرف شو في اليوم ، لأنو الزوامير والألعاب النارية ما هديت بحارتنا ,, !


المهم أنو اليوم كان كتير حلو ، وشكلي بلشت أرجع توازني بالدراسة .. يا رب تكون أيامكم حلوة متل يومي


مس بثينة .... احتمال 85% بكرا آجي على الكيميا


يالله تصبحو على خير ... ويجعل أيامكم خير
********

الرجوع الى أعلى الصفحة اذهب الى الأسفل
أسيرة الأحزان

avatar

عدد المساهمات : 1030
تاريخ التسجيل : 14/02/2009
العمر : 45
الموقع : www.elite.msnyou.com

مُساهمةموضوع: رد: الركن الهادي .. مذكرات الاعضاء   الثلاثاء أبريل 13, 2010 4:31 am






اليوم : الاثنين
الساعه :11:24
ما بكل شي
بشرب عشقتي القهوه
النفسيه : حزينه جدا جدا


يومياتي


انغام الشوق مبسوطه اكتير لانك مبسوطه والله انك بتستاهلي كل خير وبتستاهلي التكريم كمان ربي يسعدك ومن نجاح لنجاح كمان

حكتيلي بكره زوزو بدها تكبر سنه اه ههههههههههههههههههههه العمر كله يا رب
بالنسبه للزوامير والالعاب الناريه اليوم كانت مباره الوحدات والفيصلي وطبعا انا مع الوحدات وفازت 1/0 وانا مبسوووووطه اكتير علشانها

بس عادي انتي توجيهي وبطكلعلك ما تعرفي هيك اخبار يعني حضري حالك لحلوان يوم الاربعا من الاستاذ محمود فوز برشلونه والوحدات والله ما حد قده صح ههههههههه

بالنسبه الي ههههههههههه عامله زي المجانين ... ليش زي انا مجنونه رسمي ماشيه بهالدنيا وما بعرف شو بعمل

يله ربكم يجيب الخير

الايام الماضيه كانت متعبه اكتير لانو الاستاذ محمود بدو يخلص مجموعاته وضغطني معاه بالطباعه بس الحمد لله ع اساس اليوم ع اساس اتكون اخر ورقه
طبعا دايما بحكيلي هيك وبعدها بعمل عشر ورقات اذا مش عشرين بس عادي انا بحب الطباعه

الايام هاي متعبه كلها وجع والم ساعه فرخ وعشره الم الله يكون بالعون ويفرجها ع الجميع يا رب



















الرجوع الى أعلى الصفحة اذهب الى الأسفل
أسيرة الأحزان

avatar

عدد المساهمات : 1030
تاريخ التسجيل : 14/02/2009
العمر : 45
الموقع : www.elite.msnyou.com

مُساهمةموضوع: رد: الركن الهادي .. مذكرات الاعضاء   السبت أبريل 17, 2010 4:17 am








اليوم : الجمعه
التاريخ :15/4/2010
الساعه :11:10
النفسيه : ممزقه

اليوميات

زماااااااااااان ما دخلت هاي الصفحه وحكيت وشكيت يمكن حبيت اعطيها استراحه مني هههههه بالنسبه للاسبوع الماضي كان اسبوع متقلب بين يوم حزين ويوم سعيد بس بشكل عام كان متعب شوي كان فيه ضغط شغل كبيييييير بسبب طباعه استاذ محمود لانو بدو يخلص الماده ومستعجل اكتير والاشي اللي خفف الضغط شويه هي حفله عيد ميلاد زوزو زهره النرجس يعني انبسطنا شوي وغيرنا جو

اولادي مرات الواحد بوخد قرار وبعرف انو هادا القرار راح يغير حياتو للاسوء وراح يعذبه اكتير ويخليه يمر بكتييييير من مراحل العذاب والالم بس هو مضطر يتخذوه ومضطر ينفذه لانو لو ما عمل هيك راح يخسر ناس اكتير بحبهم

وانا امبارح كنت مضطره اخد هيك قرار علشان ما اخسر ناس فضلت اخسر اشي كبييير بحياتي عمره ما يتعوض بس والله ورغم هيك ورغم تعبي الا انو في جزء جواي مرتاح لهادا القرار وباكد عليه واكيد راح تجيني اوقات اضعف فيها بس راح اضل احلى روحي بالصبر وبالامل انو الله يفرجها علي وع كل مجروح






بناتي





اولادي






بحبكم اكتيييييييييييييييير
































الرجوع الى أعلى الصفحة اذهب الى الأسفل
أسيرة الأحزان

avatar

عدد المساهمات : 1030
تاريخ التسجيل : 14/02/2009
العمر : 45
الموقع : www.elite.msnyou.com

مُساهمةموضوع: رد: الركن الهادي .. مذكرات الاعضاء   الإثنين أبريل 19, 2010 4:39 am




الاسم : مس بثينه

اليوم : الاحد

التاريخ : 18/4/2010

الساعه :11:30

ما باكل ولا بشرب شي واعده بغرفتي

النفسيه :: اشعر بفراغ بداخلي وكانني اضعت نفسي لا يوجد شيء بداخلي لاشعربه

يومياتي

اااااااااااااه

اااااااااااااااااااه

ااااااااااااااااااااااااه

ااااااااااااااااااااااااااااه

اتمنى لو ان بامكاني ان اصرخ بها عاليا وعاليا وعاليا لكي اخرح ما بداخلي من الم .. لا استحق اقسم بربي انني لا استحق ما يحدث لي والله اكتير علي هيك اكتير كل الابواب تتسكر بوجهي مره واحده والله كتير

لكن يبقى باب وجه ربي الذي لن يغلق ابدا مهما قصرت او اسأت من افعال فيا رب اني ادعوك دعاء متعب مضطر وانت تجيب المضطر اذا دعاك يا رب لا تكلني لنفسي طرفه عين كون معي يا رب فانا بامس الحاجه اليك كون معي يا الله



















الرجوع الى أعلى الصفحة اذهب الى الأسفل
أنغام الشوق

avatar

عدد المساهمات : 102
تاريخ التسجيل : 09/07/2009
العمر : 25

مُساهمةموضوع: رد: الركن الهادي .. مذكرات الاعضاء   الإثنين أبريل 19, 2010 6:54 pm

الدنيا بتخلص ودراسة طالب التوجيهي ما بتخلص ..

قربت ساعة الصفر ..

اليوم ختمنا أول مادة والباقي هاليومين إن شالله

وامتحاناتي التجريبي رح تبتدا الأسبوع الجاي ان شالله ...


يعني خلص بااااي باااي توجيهي قربت كتير ان شالله


*****************


المهم ...


حبيبتي مس بثينة ..

والله ما في منك ، الحياة هيك يوم إلك ويوم عليك

بس أحلا شي أنك تكوني متأكدة أنو اليوم اللي إلك هو إلك واليوم اللي عليك صار عليك لحتى يجي بكرا إلك

لعله خير ...ما في شي بصير إلا لخير إلنا إن شالله

الصراحة ... نفسي أعرف شو اللي معزبك لهالدرجة والله لوأعرف أنو حد مزعلك إلا أنا أموته

وآخر شي بدي أحكي ...

أنو نيالك .. لازم تفرحي وتنبسطي ، لأني متأكدة إن شالله أنو ربنا بحبك

لأنو ما حد بعرفك إلا وبحبك وهادي من دلالات حب ربنا لعبده


يمكن أنا حكيي كتير كتير كتير

بس مو عارفة كيف ممكن اساعدك ...

اللي بحبهم دايماً ببالي ، وما بحب أشوفهم زعلانين أبداً

فهونيها بتهون إن شالله



الرجوع الى أعلى الصفحة اذهب الى الأسفل
أسيرة الأحزان

avatar

عدد المساهمات : 1030
تاريخ التسجيل : 14/02/2009
العمر : 45
الموقع : www.elite.msnyou.com

مُساهمةموضوع: رد: الركن الهادي .. مذكرات الاعضاء   الثلاثاء مايو 18, 2010 3:26 am





الاسم : مس بثينه

اليوم :الاثنين

التاريخ : 17 /5 /2010

الساعه :10:30

وين انا :: انا اعده بره بجنينه البيت والجو بجنن اكتيييير دايما بحبس حالي بالغرفه بس اليوم بعد ما شطفنا الممرات طلعت الاب توب برا واعدت بجد الجو حلو ومش قادره ادخل جوا شكلي راح اضل سهرانه هون يااااريت بخلوني انام برا كماااان يا ريت


النفسيه :: ههههههههههههه مش عارفه والله زي المجانين شوى بكون فرحانه وما في احسن من هيك وشويه بحس انو كل نكد الدنيا في ع فكره هاي من اخطر حالات الكأبه هههههه ربي بعين

يومياتي ::

يااااااااااااه زمان ما دخلت هاي الصفحه وحكيت وشكيت .. واصلا ما عندي حكي كتييييير مشتاقه لكل طلابي لاني زماااااان ما شفتهم وبستنا يوم السبت يجي بسرعه لانو عندهم مراجعات بدي اشوفهم واطمن عليهم قلبي معاكم ووالله دايما بدعيلكم نفسي هيك اتخلص هاي الامتحانات ع خير واتجبولي علامات حلوه زيكم

اليوم اجو الرجال اللي بدهم يدهنو المركز ويركبوا البلاط وشكلها راح اتكون عجقه ما بعدها عجقه وكله راح يطلع ع راسي بحكيلي استاذ محمود اليوم بدك تدهني واتبلطي بدون تعب ... يله اتلقي ههههههه
اليوم الصبح صار معي موقف ... اد ما كان مزعج بس خلاني سعيده بطلابي وفخوره فيهم انس ياسر ..ابراهيم دويكات ... وخلدون بجد انتو اروع واحن طلاب واليوم اثبتولي اني محميه صحيح انتو اصغر مني بكتير بس حسيت اني محميه ووراي ارجال ... والله ومش بس انتو انا بعرف انو كل طلابي شبهكم


بدي احكيلكم سر بس ما تحكو لحد مااااشي ..اشتقت اكتير لمحمود الدرابيع وفقداه اكتير ... وهو عنيد وانا اعند لا هو راضي يتنازل ويصالحني ولا انا راضيه اتنازل واحكي معاه ..بس ما بعرف ليش اليوم فقدته اكتير يمكن علشان الموقف اللي صار معي الصبح او يمكن لاني نفسي اعرف راح ع معرض الاسلحه وله لا واو يمكن علشان اشياء اكتير المهم بتمني يكون بخير واتكون اموره تمام

خليه سر بينا لا تحكوله اني مشتقاله وقلقانه عليه مااااااشي

























الرجوع الى أعلى الصفحة اذهب الى الأسفل
أسيرة الأحزان

avatar

عدد المساهمات : 1030
تاريخ التسجيل : 14/02/2009
العمر : 45
الموقع : www.elite.msnyou.com

مُساهمةموضوع: رد: الركن الهادي .. مذكرات الاعضاء   الجمعة يونيو 11, 2010 5:49 pm






الاسم : مس بثينه

اليوم : الجمعه

التاريخ : 11 /6/2010

الساعه :12:30

المكان : كالعاده في غرفتي

النفسيه : والله ما بعرف مرات مرات بس اليوم بشكل عام مكتئبه والحمد لله

يومياتي :
اسفه اني ما كنت ادخل هون كتير بس كنت مشغوله كتيييييييييير الايام الماضيه كانت دوشه دوشه ع الاخر اشتقتلكم واشتقت نرجع نتلاقى بالمنتدى زي زمان صحيح بتواجد بالفيس بوك دايما بس ما بعرف كان لتواجدنا بالمنتدى نكهه تانيه يااااه ما انا مصدقه وتخلص هاي الامتحانات وترجعو للمنتدى تاني
انا بخير يعني صارت معي اشياءكتير صدمتني وكسرتني من جوا وخذلتني كتير وتعرفوا تغيرت فكرتي عن الدنيا بشكل كامل كاني لسه بنت صغيره وبتعلمها من جديد اكتشفت انو الحياه قاسيه وانا الدنيا غداره وانو الناس اللي معاكم اليوم وانتو بتفكرورا انهم مستحيل يتركوكم ..عادي بسهوله كبيييييره بتركوكم وبعرفوا غيركم بدون اي ادني تفكير او شعور بالحزن او الزعل عليكم ..يله درس صعب اتعلمته بس مستحيل انساه لانو ساكن كياني
المهم
المركز الحمد لله بخير اخلصنا من دوشه الدهان والديكور الجديد ..صار احلى متل ما الكل بحكي واوسع بس ما بعرف ليش انا بالذات لقيت انو الموكيت كان اجمل بكتير من السيراميك يعني هيك كنت احس بدفى وحميميه اكبر للمركز يعني كنت احسه بيت بس هلا بحسه مركز هههههههههههه المهم بتمنى لما اتخلصوا امتحانات تمروا واتشوفوه الا ما تيجيو بحصص المراجعه للمواد اللي اخدتوها ان شا الله بعجبكم
يااااه شو هاكله هم الايام الجاي بتعرفو انو الاسبوع الجاي بدايه دورات الصيف وهاي الدوره بتكون مهلكه ع الاخر لانو الدوام بكون مكثف ومن الصبح
احكيلكم سر تعبت كل كم شهر اتعرف ع ناس جداد بعدين يتركونى ويروحو ودوره الصيف متل بدايه دوراتكم يعني الطلاب الجداد اللي راح اتعرف عليهم راح يضلوا عندي سنه كامله متلكم يعني من هاي الايام للصيف السنه الجاي ان شاء الله زي هاي الايام بكونو يقدموا امتحانات التوجيهي علشان هيك بكونو اكتر ناس بتعلق فيهم بس انا مصممه هاي المره ما احب حد ولا اتعلق بحد راح اتعامل رسمي معاهم كمديره مركز ومش كقصديقه ( ههه لا اتصدقوني كل مره بحكي هيك وبرجع بتطورت بحب طلابي اكتر من اول طبعي ومستحيل اغيره )
بس هاي المره بجد مش متشجعه ع بدايه الدوره ابدا وكنت اتمنى لو اجلنا الدوام كمان اسبوع يمكن لاني تعبانه كتيييير وكان نفسي اخد نفس بجد بجد كان نفسبي استاذ محمود يعطيني اجازه بس ارتاح يومين يومين بس لكن هادا حلم مستحيل تحقيقه زي حلم اني اكون مع الناس اللي بحبهم ..بس مش مشكله اتعودت ع التعب والشقى وصرت ما اعرف اعيش بدونهم بس بتمنى تتحسن نفسيتي من هون للاربعا علشان اتعامل مع الطلاب الجداد بسعاده وبفرح اكبر وانا بسعى لهيك عن طريق قرايه الروايات يعني بحاول انقل حالي لعالم تاني عالم الاحلام واعيش فيه لاني اكتشفت انو العالم الوهمي اللي كنت عايشه فيه اجمل بكتير من العالم الحقيقي وهلا انا بحاول ارجع هداك العالم وبحاول ارجع اعيش فيه علشان هيك بقراء روايات كتيره وشعر كتير اتعرفت ع كتير كتاب وشعرا واساطير وقصص رهيييييبه مرات بتكئبني بزياده لاني بحكي يا رب ليش ما كانت تجربتي زي هالقصص نهايتها سعيده هههههه بس بعدين بتذكر اني عايشه بعالم الحقيقه ومش الخيال وبصحي ع حالي.

طولت اليوم بس بالنهايه بدي اتمنى لك بناتي واولادي التوفيق بمتحاناتهم بتمنى المره هاي تيجي الامتحانات سهله وميسره وتعوضوا الفصل الاول والله انظلمتو ايامها اكتيييييييير ربي يكون معاكم وييسر اموركم ... بحبكم كتيييييييييييييييييييييييييييييييييير
بثينه




















الرجوع الى أعلى الصفحة اذهب الى الأسفل
أسيرة الأحزان

avatar

عدد المساهمات : 1030
تاريخ التسجيل : 14/02/2009
العمر : 45
الموقع : www.elite.msnyou.com

مُساهمةموضوع: رد: الركن الهادي .. مذكرات الاعضاء   الجمعة يونيو 18, 2010 9:53 pm




الاسم : ب ث ي ن ة
التاريخ : 19/6/2010
الساعه : 3:15 مساءً
المكان : غرفتي كالعاده مع اني حاسه حالي بالمركز برنامج الحسابات مفتوح
واسماء الطلاب حولي وبعمل جداولهم وحضورهم وغيابهم والله كاني بالشغل مش بالبيت هههه
النفسيه : نص نص ..شو بدي اعمل شكلي رضيت بالامر الواقع
شو باكل شو بشرب : امممممممم باكل اشياء لذيذه كتير جاتوه بالنسكافيه
عملتلنا اياه مرت اخوي وبشرب قهوه ساده تعالوا كلوا واشربو معي


اليوميات

الاسبوع هادا كانت نهايته متعبه شوي طبعا بدايته كانت طباعه اربعه وعشرين ساعه ويوم الاربعا كان عنا اليوم المفتوح للطلاب الجدد ههههه اموريين اكتير وكل حذري وتصميمي اني اتعامل معاهم بجديده ذهب اداراج الرياح ما قدرت الا امزح والعب معاهم وطبعا طلع نص طلابي الجداد بشجعوا ايطاليا زيي وهادا فرحني كتير بس لاول مره انحاز للشباب اكتر من البنات كان دمهم اخف والله مع انو كانوا البنات مرتبين وهاديين يعني من الساعه عشره للساعه 12 مشيت الامور بتنسيق وترتيب بدون فوضى وبكل اريحيه ...ز بس بفتره الشباب من 12 لل2 مت من التعب فوضى وصوت عالي لاول مره يكونوا الشباب هم اللي بعملوا الفوضى مش البنات مع هيك حبيتهم اكتير طبعا طلاب مدرسه عمر بعرفوني من دون ما يشوفوني ما شاء الله سمعتي سابقاني فجايين بكل اريحيه ... والله بحبهم وبعاملهم معامله خاصه بس كمان في كم واحد من الثانويه كمان دمهم خفيف المهم اني خلص اتورط بحب طلابي الجداد بنات وشباب .. وربي بعين بكره اول يوم دوام رسمي ..يعني لسه التعب جاي

طبعا اسبوع هلكان من الطباعه لحد ما كنت اوصل لمرحله ابطل اميز الحروف بس الحمد لله قطعنا شوط كبيير وقربنا نخلص طباعه المنهاج الجديد كله
طبعا طلابي القدامه ( هههه له له له صار اسمكم قدامه شفتو الزمن كيف غدار .. هيك الدنيا يوم الك وعشره عليك ) المهم هم هلا بقدمو امتحاناتهم ووالله اني بدعيلهم دايما وبعرف انكم انضغطوا وانكم زهقتوا بس يله هانت ... شوي وراح اتخلصوا ويا رب اتزبطوا تعرفوا انا اول يوم كنت ع اغصابي وليله اول امتحان ما نمت من الرعبه عليكم لانو كانت في اشاعه كبييييره بتحكي انو الاساتذه المراقبيين ناوييين يضربوا وما يراقبوا ويخربوا الامتحانات وانا كنت ميته خوف عليكم احكي يا رب هم الفصل الاول انضربوا بالعلامات وانظلموا فيها والفصل هادا هيك بدو يصير والله ليتعقدوا علشان هيك كنت ع اعصابي وما صدقت واول يوم يمر .. تنفست الصعداء ربي يكمل امتحاناتكم ع خير خلينا نخلص من هالتوتر شوي

يعني موضوع الطباعه والطلاب الجدد وامتحاناتكم ... يعني شغلتني شوي وتعبتني فوق تعبي بس بتهون .. الايام بتمشي والاحداث بتتتغير والزمان مستحيل يوقف ودوام الحال من المحال علشان هيك لازم الواحد يحاول ينسى اوجاعه ويتأقلم مع هالزمان .... صح



















الرجوع الى أعلى الصفحة اذهب الى الأسفل
أسيرة الأحزان

avatar

عدد المساهمات : 1030
تاريخ التسجيل : 14/02/2009
العمر : 45
الموقع : www.elite.msnyou.com

مُساهمةموضوع: رد: الركن الهادي .. مذكرات الاعضاء   الجمعة يوليو 16, 2010 5:47 am






اسمي : بثينه

اليوم : الجمعه

التاريخ : 16/7/2010

الساعة : 12:30 صباحا

ماذا تأكل الآن : ولاااا اشي ولا بشرب كمان

نفسيتكـ : الحمد لله ع كل حال

يومياتي :

يااااه زمان ما دخلت هون احداث اكتييييييييره صارت معي ودنيا انقلبت علي راس على عقب ...لقى وفراق ووجع ومرض ومستشفى وعمليه طلاب جداد وبرنامج مقلوب تربيه ومعامله ترخيص ..كمبيوتر جنني وطلع روحي من كتر ما خرب اربع مرات فرمته الشهر هادا واليوم لما ضرب فقعت من العيط حزن علي الاستاذ محمود وخلى المهندس خالد يجبلي غيره ..وراح يوصلني يوم السبت بس مستحيل الاستاذ محمود يمشيلي كلمه ما بدو يجبلي شاشه بلازما مش راضي بس شو والله لاجيبها عاجلا ام اجلا والله لاجيبها ههههه
ودوره طلابيه جديده ...ما بعرف طلاب الدوره هاي غريبين شوي ..يعني كل واحد بحاله مش مشاغبين وحركين ويمكن انا مش عارفه اتأقلم معاهم لانو يا دوب دومت معاهم اسبوع ورحت المستشفى وهلا لما رجعت ..يعني مزاجي مش رايق بالمره فصارلهم بعتبار شهر عندي ولسه ما اتصاحبت معاهم كل واحد بحاله او يمكن بعد الفوج العفريت اللي كان عندي انا اتعودت ع الفوضي والحركه ومش عاجبني هدؤهم ..بس شو مصيرهم يتحركوا ولو بعد حين
طبعا انا مش مصدقه اني عملت العمليه لهلأ ..كيف جازفت مش عارفه حتى الدكتور لغايه يوم العمليه اتصل علشان يتأكد راح اجي وله لأهههههه بس تعرفوا دخولي المستشفى كان نعمه من ربنا لانو بينلي اديش انا محظوظه بالناس اللي حولي اللي بحبهم وبحبوني اهلي اصحابي طلابي مدرسني بجد بجد انا دايما بحمد ربنا وبشكره عليهم
قلبي ..ما بعرف وكأنه بحاله سبات لا شعور مخدر يمكن من كتر الالم من كتر الزعل من الصدمه ما بعرف بس اللي بعرفه انو خلص انتهى كل شي انتهي
ربي يسعد الجميع وما يضر حد يا رب

تعرفوا كان نفسي اكتب كلام كتييييييير اكتيييييييييير بس والله انعست راح احطلكم موضوع جمعه مباركه واروح انام وراح احاول ما اغيب عن هاي الصفحه اكتير وبتمنى من الكل يرجع زي زمان يدخلها ويكتب فيها ...ماااشي يله راح احكيلكم تصبحوا ع خييييييييييير

























الرجوع الى أعلى الصفحة اذهب الى الأسفل
أسيرة الأحزان

avatar

عدد المساهمات : 1030
تاريخ التسجيل : 14/02/2009
العمر : 45
الموقع : www.elite.msnyou.com

مُساهمةموضوع: رد: الركن الهادي .. مذكرات الاعضاء   الأحد يناير 02, 2011 8:16 pm




اخر حضور من 16/7/2010 اكتييييييييييير والله


الاسم : مس بثينه

اليوم :الاحد

التاريخ : 1/2 /2011

الساعه :2:10 ظهرا

وين انا :: انا في المركز ... وتاااركه كل شغلي واعده ع النت .. يا فرحت استاذ محمود في هههههههه بس هو ما عندي بصراحه شغل اكتير يعني لو اعدت عليه نص ساعه بخلصو
يااااه سنه جديده بلشت ..ايام بتركض بتروح من عمرنا .. بتحمل معاها ايامنا فرحنا احلامنا امالنا وبتروح وبتتركلنا الدموع والقهر بس
ما بعرف انا مش متفائله ابدا بالسنه الجديده وحاسه انها راح اتكون سنه صعبه علي .. ويمكن اتكون العكس بذكر اني ببدايه السنه الماضيه كنت سعيده اكتير وكنت متفائله اكتير كنت بطير بالسما وما بمشي ع الارض .. والنهايه كانت شو .. سنه من الاخر .. ونهايتها كمان كانت من الاخر علشان هيك الواحد ما بقدر يحكم ع المجهول كل اللي بنملكو الدعا انو ربنا ييسرلنا كل خير ويبعد عنا كل شر
بالنسبه الي انا .. بعمل تقيم لذاتي .. كتير من الوجع والالم والارق وقله النوم وعدم الاستقرار .. بس كل هاي الشغلات خلتني افكر اكتيييير واقرر اني اكون من اليوم انسانه تانيه ..كيف انسانه تانيه .. اني احاول ارجع متل ما كنت ضحك ولعب ومرح ونشاط متل زمان حتى لو بالغصب حتى لو اجبرت نفسي اجبار حتى لو كنت ببكي من جواي لازم اضحك من برا راح ارجع اهتم بشغلي متل زمان بصراحه قصرت فيه شووي .. مش كتير يعني ههههههه بس شوي

يعني قرارات .. قرارات .. قرااارات اخدتها ويااارب اقدر انفذها وربي يقويني ويكون معي ويمنحني نعمه النسيان ياااااارب

وسلام مؤقت لاني بجد بجد بدي اروح اشتغل

الى لقاء اخر بأذن الله






















الرجوع الى أعلى الصفحة اذهب الى الأسفل
أسيرة الأحزان

avatar

عدد المساهمات : 1030
تاريخ التسجيل : 14/02/2009
العمر : 45
الموقع : www.elite.msnyou.com

مُساهمةموضوع: رد: الركن الهادي .. مذكرات الاعضاء   الإثنين يناير 10, 2011 4:33 am




الاسم : مس بثينه

اليوم :الاحد

التاريخ : 1/9 /2011

الساعه: 10:30 مساءاً

وين انا : بغرفتي

يومياتي :

ما بعرف .. ممكن احكي انها ايام بلا الوان وبلا هدف محدد .. حيره متزايده ملل قاتلل .. روتين رهيييييب
هادي الفتر شوي بتكون صعبه علي لانو الحركه بالمركز بتخف اكتير لانو الامتحانات ع الابواب والدورات شبه انتهت .. وما في الا الحصص المتأخره وحصص المراحعه .طبعا انا بموت وبنخنق لما ما يكون عندي حركه وطلاب
وطبعا هلأ بفضالي استاذ محمود وبصير ينكش مخاتو علي .ويطلع كل اللي مخبي ههههههه دائما طوش معاه

ما بعرف نفسي اكتير اقلب حياتي .. يعني اغيرها كلها من اولها لاخرها .. نفسي اسافر ع مكان بعيد بعيد ما في بشر واضل هتاك لحالي شهر شهرين تلاته لحد ما اتروق اعصابي شوي .. نفسي باشياء اكتيره بس للاسف صعبه التحقيق او مستحيله التحقيق

فتره عصيبه بمر فيها ..هههه بضحك انا كل فتره بمر فيها بعتقد انها اصعب شي بالحياه وما بعرف انو الايام لسه مخبيالي اصعب منها

يله مصيرهااااا تفرج بأذن الله





كنت بسمع هاي الاغنيه ابل شوي سمعتها من ورده واصاله وهلا من فضل رووووعه اسمعوها معي






















الرجوع الى أعلى الصفحة اذهب الى الأسفل
 
الركن الهادي .. مذكرات الاعضاء
استعرض الموضوع السابق استعرض الموضوع التالي الرجوع الى أعلى الصفحة 
صفحة 2 من اصل 2انتقل الى الصفحة : الصفحة السابقة  1, 2

صلاحيات هذا المنتدى:لاتستطيع الرد على المواضيع في هذا المنتدى
مركز الصفوة الثقافي :: منتدى التواصل :: فنجان قهوة-
انتقل الى: