مركز الصفوة الثقافي
عزيزي الزائر / عزيزتي الزائرة يرجى التكرم بتسجبل الدخول اذا كنت عضو معنا
او التسجيل ان لم تكن عضو وترغب في الانضمام الي اسرة المنتدى
سنتشرف بتسجيلك
شكرا
ادارة المنتدى(الجنرال)



 
الرئيسيةالبوابةالتسجيلدخول

شاطر | 
 

 الفرق بين ....الأم هاي والأم هظيك...

استعرض الموضوع السابق استعرض الموضوع التالي اذهب الى الأسفل 
كاتب الموضوعرسالة
جاسمين



عدد المساهمات : 343
تاريخ التسجيل : 16/08/2009
العمر : 28

مُساهمةموضوع: الفرق بين ....الأم هاي والأم هظيك...   الخميس أغسطس 05, 2010 6:54 pm

السلام عليكم

اتمنا ان تنال اعجبكم

مقارنة بين الهاي والهظيك





هذه المقارنة نبين لكم كيف توصي الأم الهاي ولدها قبل الذهاب الى المدرسة وبالمقابل شوفو الأم الهظيك شو بتقول لأبنها


الأم الهاي: لا تنسى مامي تاكل الكورواسو في البريك

الأم الهظيك: يمه... صندويشة الزعتر بالكيس اوعه يلطشوها منك

الأم الهاي: خليك عالرسيف لبين ما ييجي الباس واوعا من هدول اللي بيشحتو

الأم الهظيك: بتروح عالمدرسة دوز دوغري ويا ويلك اذا بعرف انك شلفت اليوم

الأم هاي: زي ما وسيتك ابعد عن الشلة النوتي اللي بتاكل السندويتش تبعك

الأم هظيك: أوعى الاقيك ظارب الولاد زي امبارح هي معك شلن اشتري اللي بدك اياه وبلاش تاكل صندويشات صحابك غصبة عنهم

الأم هاي: مامي دونت فورجيت لما ترجع ما رح تلاقيني في البيت عندي جيم متأخر اليوم خلي الشغالة تسخنلك البرغر

الأم هظيك: بترجع من المدرسة عالدار على طول وبلاش صرمحة بالشوارع تراني عاملتلك صحن مجدرة من الآخر

الأم هاي: على فكرة المس كتير زعلانه منك وبعتتلي مسج انك صاير نوتي في الصف

الأم هظيك: ولا... ابوك بقول انه الاساتذة بشدوا شعرهم منك.. دير بالك وبلاش تزعلهم ما اسمهم الا بني آدمين زينا

الأم هاي: مامي لما تروح لا تئتع الشارعواستنى بابي لما يوصل

الأم هظيك: لما تقطع الشوارع لا تمشي زي الملطوش مش ناقصين مصايب بيكفي السنة الماظية اندعست عشر مرات

الأم هاي: على فكرة انا كتير كتير upset منك قالوالي شافوا بالهاند باغ تبعك سجاير

الأم هظيك: قال بتحمل موس بشنطتك يا واطي... ولك خليك عالشفرة وهيها مستورة

الأم هاي: قول لسحابك ميمي وتوتو ييجوا على عيد ميلاد اختك نانا

الأم هظيك: قول لصحابك عمر واسماعين ييجوا يتضلغصوا عنا بكرة حرام امهم ما بتعرف تعمل كرشات زينا

الأم هاي: مامي خليك كلاس مع المس تبعك ولو دليت هيك بجبلك موبايل جديد

الأم هظيك: اذا رجع هاظا الاستاذ وظربك بالعصاي لا تحكي معه واتركني اروح اتفاهم معه هو مفكرنا لاقينك بالشارع

الأم هاي: كتبت شيك لاستاز اللانجلش والعربي والرياده وخليته مع الشغاله لما ييجوا اعتيهم اياه... اففففف تاخرت عالجوكينغ عاجبك هيك هلأ سوسو بتدايأ

الأم هظيك: الاستاذ اللي قالكو انه ممكن يعطيكوا دروس خصوصي قوله روح لاقي امي بكرة بالوزارة يا شاطر


منقول
الرجوع الى أعلى الصفحة اذهب الى الأسفل
http://www.mw4des.110mb.com
princess

avatar

عدد المساهمات : 102
تاريخ التسجيل : 02/08/2010
العمر : 28

مُساهمةموضوع: رد: الفرق بين ....الأم هاي والأم هظيك...   الجمعة أغسطس 06, 2010 11:19 pm

الرجوع الى أعلى الصفحة اذهب الى الأسفل
 
الفرق بين ....الأم هاي والأم هظيك...
استعرض الموضوع السابق استعرض الموضوع التالي الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
مركز الصفوة الثقافي :: منتدى التواصل :: فنجان قهوة-
انتقل الى: